Kryetari i Bashkisë së Tiranës, Erion Veliaj, së bashku me përfaqësuesit e Shoqatës së Qyteteve Evropiane të Eurocities në mbështetje të Ukrainës, kanë takuar me presidentin Volodymyr Zelensky.
Presidenti përshëndeti delegacionin e Eurocities në Ukrainë dhe theksoi rëndësinë e vizitave të tilla në këtë kohë të vështirë, kur vendi po lufton kundër pushtimit rus. Zelensky falënderoi qeveritë dhe popujt e vendeve evropiane për mbështetjen e tyre ndaj Ukrainës dhe qytetarëve të saj, përcjell rtv21.tv
Ai falënderoi qytetet evropiane për strehimin që u dhanë qytetarëve ukrainas që u detyruan të largoheshin nga lufta. Në të njëjtën kohë, ai vuri në dukje se kërkon të krijojë kushte për kthimin e ukrainasve në atdheun e tyre. Sipas tij, kjo është arsyeja pse është kaq e rëndësishme të rivendoset puna e shkollave, kopshteve, universiteteve dhe thjesht të ndihmohen njerëzit të riparojnë shtëpitë e tyre të shkatërruara si rezultat i agresionit rus.
“Tani është shumë e vështirë për ne, për buxhetin tonë. Sepse ne shpenzojmë pothuajse të gjitha fondet tona për forcimin e ushtrisë. Kështu që ne do të jemi mirënjohës për ndihmën tuaj”, tha tutje Zelensky.
