Kryetari i Komunës së Prishtinës, Përparim Rama, ka njoftuar se është lansuar aplikacioni “Raporto problemin”, ku qytetarët e Prishtinës mund të raportojnë për çdo problem në rrugë, ndriçim, dëmtim të hapësirës publike dhe probleme të tjera.
Sipas të parit të kryeqytetit, ky aplikacion do të bëjë ndryshime thelbësore.
“Fjala juaj ka fuqi të madhe në Kryeqytet, dhe këtë më së miri mund ta ndani përmes Aplikacionit të ri të cilin e kemi krijuar për të përmirësuar përmes juve infrastrukturën e Prishtinës. Ky inovacion do të bëjë ndryshime thelbësore në jetën tonë komunale. Përmes këtij Apliakcioni ju mund të: Raportoni çdo problem në rrugë, ndriçim, dëmtim të hapësirës publike dhe shumë të tjera”, ka shkruar Rama.
