Sot Napoli do të presë Liverpool për të zhvilluar mes tyre sfidën e parë të fazës së grupeve të Champions League, një duel që do të nisë duke filluar që nga ora 21:00.
Për këtë përballje në konferencë ka folur edhe portieri i “The Reds”, Alisson Becker, i cili ka paralajmëruar të tijtë për vështirësinë që i pret, pasi skuadra e drejtuar nga Luciano Spalletti mund t’iu prishë planet.
“Ne e duam Champions League, të gjithë e duan atë. Jemi vërtet të lumtur dhe duam të fillojmë në mënyrën më të mirë, duke luajtur kundër një ekip të madh me të cilin kemi luajtur tashmë në sezonet e fundit.
Të gjithë janë vërtet të emocionuar për këtë. Napoli po bën mirë, ata kanë një trajner si Spalletti, me të cilin kam punuar në Roma. Ata kanë ndryshuar mënyrën e lojës, kanë ndryshuan lojtarë, trajner, kanë shumë lojtarë të rinj plot energji dhe lojtarë vërtet të talentuar. Ne e dimë se do të jetë një ndeshje vërtet e vështirë për ne” ka deklaruar Alisson. /abcnews.al
