Ministri i Jashtëm ukrainas, Dmytro Kuleba kritikoi vendimin e Shoqatës Ndërkombëtare të Federatave të Futbollit (FIFA) për të refuzuar kërkesën e Presidentit Volodymyr Zelensky për të dhënë një “mesazh paqeje” gjatë finales së Kupës së Botës në Katar, shkruan The Kyiv Independent, përcjell Fol Drejt.
Vendimi i FIFA-s “tregoi hipokrizinë nën emrin “sporti jashtë politikës”, tha Kuleba.
“Organizatat botërore të sportit dhe zyrtarët janë mbuluar me këtë frazë për një kohë të gjatë. Në fakt, frikacakëria ishte gjithmonë pas saj”, tha Kuleba.
Argjentina fitoi Kupën e Botës, duke mundur Francën, më 18 dhjetor.
Më 16 dhjetor, Shoqata Ndërkombëtare e Federatave të Futbollit (FIFA) hodhi poshtë kërkesën e presidentit Volodymyr Zelensky për të dhënë një “mesazh paqeje” gjatë finales së Kupës së Botës në Katar, sipas CNN, duke cituar një burim të paidentifikuar.
Zyra e Zelensky thuhet se u befasua nga refuzimi i FIFA-s pas propozimit të presidentit ukrainas.
“Ne menduam se FIFA dëshironte të përdorte platformën e saj për të mirën më të madhe”, tha burimi, duke shtuar se bisedimet midis Ukrainës dhe FIFA-s ishin ende duke u zhvilluar.
FIFA dhe organi i saj evropian, UEFA, pezulluan klubet ruse të futbollit dhe ekipet kombëtare nga të gjitha garat më 28 shkurt, pas pushtimit të plotë të Ukrainës nga Rusia. /FolDrejt/
