Ukraina ka rënë peng i qeverisë së Hungarisë, e udhëhequr nga Viktor Orban, në luftën e kësaj të fundit për fondet e pezulluara të BE-së, tha ministri i Jashtëm i Ukrainës, Dmytro Kuleba, transmeton Ukrinform., përcjell Fol Drejt.
“Hungaria po luan lojën e saj. Ajo e mori Ukrainën si peng për luftën e saj për fonde që beson se Komisioni Evropian u detyrohet atyre. Lajmi i mirë është se Komisioni gjeti mënyrën se si ta bënte të mundur këtë ndihmë financiare për Ukrainën pa siguruar një votë nga Hungaria, kështu që tani ne e dimë se për rastet kritike ka një zgjidhje,” vuri në dukje Kuleba.
Siç raportohet, më 13 dhjetor, përfaqësuesit e përhershëm të Bashkimit Evropian ranë dakord për rekomandimet për Këshillin e BE-së në lidhje me zbatimin e “mekanizmit të kushtëzimit” në lidhje me Hungarinë, i cili parashikon pezullimin e financimit buxhetor për vendin në masën prej 6.3 miliardë euro për shkak të mangësive në fushën e sundimit të ligjit dhe rreziqeve për buxhetin e BE-së.
Së fundmi, Këshilli i BE-së miratoi një paketë ndihme makro-financiare për Ukrainën për vitin 2023 në shumën 18 miliardë euro. Hungaria, e cila për disa kohë bllokoi miratimin e një vendimi të tillë, tërhoqi kundërshtimet e saj pas negociatave në Këshillin e BE-së. /FolDrejt/
