Kumbullat e thata janë ushqime me indeks të ulët glicemik dhe sigurojnë energji afatgjatë për trupin.
Shumë prej nesh kanë orare të ngjeshur dhe përpiqen në çdo mënyrë që të mos i bjerë koka në mes të ditës dhe zakonisht këtë gjendje e luftojmë me një kafe të dytë apo të tretë, që nuk është zgjidhja më e mirë, përcjell Fol Drejt.
Në vend të kafesë, marrja e tepërt e së cilës mund të çojë në dhimbje koke, probleme me gjumin dhe ankth, dietologia Lauren Manaker rekomandon kumbullat e thata.
Dihet se kumbullat e thata kanë një efekt të mirë në sistemin tretës, por janë të mira edhe si burim energjie në formën e sheqernave natyrale, sepse nuk shkaktojnë rritje të shpejtë të nivelit të sheqerit në gjak.
Ushqimet e pasura me sheqerna shkaktojnë që nivelet e gjakut fillimisht të rriten dhe më pas të bien, duke çuar në lodhje. Ushqimet me indeks të ulët glicemik, si kumbullat e thata, i japin trupit energji më të qëndrueshme, shkruan CNBC.
Një bonus shtesë është fakti që një studim i vitit 2022 zbuloi se konsumimi i rregullt i kumbullave të thata mund të ndihmojë në ruajtjen e kockave ndërsa plakemi.
Si të konsumoni më shumë kumbulla të thata
Kur blini kumbulla të thata, duhet të kontrolloni nëse ato kanë sheqerna të shtuara dhe ka mundësi të ndryshme se si mund t’i përfshini ato në dietën tuaj të përditshme.
Smoothie
Për një smoothie në mëngjes, përzieni katër kumbulla të thata pa kokrra me një banane, fruta të ngrira, si qershitë, dhe gjysmë filxhani tërshërë ose qumësht tjetër.
Me çokollatë të zezë
Shkrini pak çokollatë të zezë në një tenxhere me avull, merrni pesë kumbulla të thata dhe zhytni në çokollatë, më pas lëreni gjithçka për disa orë. Kjo do t’ju japë një ëmbëlsirë plot fibra dhe antioksidantë.
Në sallatën e pulës
Ka shumë receta për sallatën e pulës dhe një mënyrë e mirë për ta përmirësuar atë dhe për të habitur të gjithë rreth jush është të shtoni disa kumbulla të thata të grira hollë./FolDrejt/
