Kryeministri i Kosovës, Albin Kurti, ka thënë se me Udhëzimin Administrativ për strehimoret e kafshëve vendoset themeli i bazës ligjore për trajtimin e qenve endacakë nga secila komunë e Kosovës, raporton Fol Drejt.
“Me Udhëzimin Administrativ për Kushtet dhe Kërkesat Teknike që duhet plotësuar nga Strehimoret e Kafshëve Shoqëruese, të nënshkruar sot nga Ministri i Bujqësisë, Pylltarisë dhe Zhvillimit Rural, Faton Peci, vendoset themeli i bazës ligjore për trajtimin e qenve endacakë nga secila Komunë në tërë territorin e Republikës së Kosovës.”, shkroi Kurti në Facebook.
Kurti shtoi se kështu përcaktohen qartazi kushtet në të cilat do të trajtohen qentë dhe macet; ambientet e ndara për çdo fazë, të përshtatshme me nivel të lartë të higjienës si dhe veprimet e sjelljet ndaj qenve endacak që nga momenti i kapjes, izolimit, trajtimit, kastrimit, sterilizimit, fazes post-operative, socializimit, adoptimit dhe lëshimit. /FolDrejt/
