Kryeministri Kurti ka bërë të ditur se në mbledhjen e sotme të qeverisë janë marrë projektligje e vendime për mërgatën, shëndetësinë, sigurinë e të drejtat e njeriut, morëm sot në mbledhjen e Qeverisë.
Midis tjerash, parlamenti ka diskutuar përfshirjen aktive të mërgatës në politikbërje dhe forcimin e lidhjeve të saj me Kosovën, si qëllim të Programit për Diplomaci Qytetare të Ministrisë së Punëve të Jashtme dhe Diasporës.
Ai ka deklaruar se për realizimin e këtij programi si qeveri kanë ndarë 90 mijë euro.
“Përditësuam agjendën legjislative për vitin 2022, duke përfshirë këtu obligimin për hartimin e rregullave që mbrojnë qytetarin nga vendosja e çmimeve të papërballueshme të produkteve bazë. Me 5.5 milionë euro do të vazhdojmë pagesën shtesë prej 10% të pagës bazë për punonjësit shëndetësorë të sektorit publik, por jo me pak se 60 euro deri në gjashtë muaj.”-sqaroi Kurti.
“Miratuam Projektligjin për Sanksionet e Shënjestëruara Kundër Shkelësve të Huaj të të Drejtave të Njeriut, i njohur si Akti Magnitsky, i pari i këtij lloji në Republikën e Kosovës, përmes të cilit vendi ynë rreshtohet në radhën e shteteve demokratike që kanë normuar këto sanksione.
Emëruam bordin e ri të drejtorëve të Kompanisë Rajonale të Ujësjellësit “Gjakova”.
Miratuam tri projektligjet e propozuara nga Ministria e Mbrojtjes të cilat, ndër të tjera, vendosin kontrolle të ndërsjella institucionale dhe linja të qarta të komandimit, me qëllim të mbrojtjes adekuate të interesit nacionalMiratuam tri vendime për shpronësim në interes publik, për ndërtimin e “Rrugës Shtetërore” që lidh Republikën e Kosovës me Republikën e Maqedonisë; për ndërtimin e objektit të Qendrës për Pajisje me Dokumente dhe Qendrës për Regjistrim të Automjeteve për nevoja të Ministrisë së Punëve të Brendshme; dhe, të pronave të palujatshme të cilat gjenden brenda lokacionit të ish “Aeroportit të Gjakovës” për nevoja të realizimit të projekteve të Ministrisë së Mbrojtjes.
Për sigurimin e librave për nxënësit e komunave Preshevë, Medvegjë dhe Bujanoc ndamë 255 mijë euro.”-shkruan Kurti./FolDrejt/
