https://www.youtube.com/watch?v=-OgCuGbzhoI&fbclid=IwAR0HyYqfKLVdyY1Wq0JnM3ubZuICwUuOU4AkxizFpQriqzZ0cwyoVYTPptc
Timo Flloko është një nga personalitetet më të vlerësuar të kinematografisë shqiptare dhe skenës teatrore. Rolet e shumta në kinematografi dhe teatër, i kanë dhënë një vend të rëndësishëm në artin dhe kulturën shqiptare.
Mbi 40 role në kinematografi, mund të numërohen, ku veçantia e personazheve të interpretuara e diferencojnë artistin. Veç anës artistike dhe talentit të spikatur për aktrim, Timo Flloko është edhe një nga profesorët më të respektuar të Fakultetit të Artit Skenik.
Aktori i njohur Timo Flloko i ka falur ndër vite publikut shqiptar, emocione pafund të cilat janë vlerësuar dhe duartrokitur nga publiku.
Fëmijëria
I lindur në Pejë më 26 prill 1948, Timo Flloko la pas Pejën për të banuar në Vlorë. Shkollën e mesme e mbaroi në Vlorë, kurse Institutin e Lartë të Arteve në degën e Dramaturgjisë, në Tiranë më 1970.
Timo Flloko mund të quhet një yll i kinematografisë shqiptare, pasi është nga të paktët aktorë shqiptarë të cilët ia kanë kushtuar karrierën e tyre filmit. Është gjithashtu një nga pedagogët më të respektuar të Akademisë së Arteve.
Prej disa vitesh ka zgjedhur të jetojë duke ndarë kohën e tij mes Amerikës dhe Shqipërisë. Gjatë qëndrimit të tij në Amerikë prej shtatë vitesh arriti të futej edhe në botën e Holliwodit ku luajti në disa filma. Pas kthimit nga Amerika u kthye në Tiranë ku tani punon si pedagog në Akademin e Arteve në degën e aktrimit dhe regjisurës.
Teatri
Teatri është padyshim vend i vlerësimit direkt dhe të drejtëpërdrejt nga publiku për çdo aktorë. Timo numëron edhe shfaqe të shumta teatri të cilat janë vlerësuar nga kritika dhe publiku. Mund të përmendim këtu shfaqjet me Kadri Roshin, Sulejman Pitarkën, etj, që kanë qenë kollosë të teatrit, apo dhe shfaqjen “Doktor Shuster” me Robert Ndrenikën.
“Elektronika sot ka marrë përparësi, por teatri që nga koha kur lindi në kohën e Greqisë së lashtë dhe sot ka të bëjë me artin e njeriut të gjallë dhe ai nuk vdes kurrë. Spektatori e do shumë, sepse është komunikimi i brendshëm emocional i artistit.”- shprehet artisti.
Filmografia
Hyri në kinema shumë i ri, vetëm 19 vjeç. Por dy filmat e tij të parë, “Ngadhnjim mbi vdekjen” (1967) dhe “Përse bie kjo daulle” patën fat të keq. U ndalua nga regjimi i kohës për arsye të mentalitetit. Brezat e njohën dhe e çmuan talentin e tij së pari në rolet e Meços në filmin “Kur zbardhi një ditë” dhe Kabos në “Malet me blerim mbuluar”, të xhiruar në vitin 1971.
Niveli i interpretimeve të tij filmike erdhi gjithmonë duke u rritur. Pasuan Kanani tek “Shtigje lufte” (1976) dhe Luani tek “Lulëkuqet mbi mure”, ky i fundit i nderuar me Medaljonin e Festivalit të Filmit, më 1977. Janë mbi 40 role në karrierën e tij kinematografike të cilat e diferencojnë artistin.
Por filmat që aktori diferencon janë “Vdekja e kalit”, pasi është filmi i parë që trajton në mënyrë realiste gjithçka, dhe filmi “Parullat” që është një film satire i mrekullueshëm. Filmat janë të gjithë të veçantë për shkak të tematikës, për këtë arsye edhe Artisti nuk i veçon.
Filmat dhe personazhet janë të shumtë, por po rendisim disa prej tyre:
Gadhnjim mbi vdekjen – (1967), Fatosi; Përse bie kjo daulle – (1969); Malet me blerim mbuluar (1971), Kapo Dalipi; Kur zbardhi një ditë (1971), partizan Meço; Shtigje lufte (1974), Kanan Tafili (Kajo Karafili); Lulekuqet mbi mure (1976), Luan Sina, mësuesi; Njeriu me top (1977), Mato Gruda; Liri a vdekje (1979), Cerçiz Topulli; Ballë për ballë (1979), Inxh. Sergej; Nata e parë e lirisë (1984), Ceçemi; Militanti (1984), Visar Shundo (Vasil Shanto);
Të paftuarit (1985), Martin Alushi; Rrethimi i vogël (1986), Shoku Agron, kryetari; Fillim i vështirë (1986), Bujari; Vrasje në gjueti (1987), Arjani; Binarët (1987), Asimi; Balada e Kurbinit (1990), Gurgen Dreni; Vdekja e kalit – (1992), Agroni; Loin des barbares (1994), Vladimiri; Përdhunuesit (1995), Luani; K-911 (1999) (V), Xhonson (Johnson); Angel’s Dance (1999), Shanku (The Shank); Evil Never Dies (1999) (episodi i V), Mustafa; Syri magjik (2005), Niko; In Between (2006/I), Nick; Stay Awake (2006), Mirosh; Pamje nga ura (2007) teater; (2008) Andrea.
