Ky është kushti i Uran Ismailit për Përparim Ramën!

Partia Demokratike e Kosovës, është duke e pritur një telefonatë nga zyrtarë të Lidhjes Demokratike, në mënyrë që të arrihet koalicioni mes tyre në Komunë të Prishtinës, raporton Gazeta Blic.

Tashmë gjërat kanë arritur tek një kusht, që PDK e ka për LDK-në në Prishtinë.

Ai kusht është që Drejtoria e Arsimit, t’i takojë PDK-së dhe këta të fundit, janë duke pritur thirrje nga LDK, në mënyrë që ta konfirmojnë se mes tjerash, edhe kjo drejtori do t’u takojë atyre.

“Puna është bllokuar. Ne po presim LDK-në që të na thërras sonte dhe të na konfirmoj që në mes tjerash, edhe drejtoria e Arsimit, do të na takojë neve. Ne e kemi kërkuar me çdo kusht drejtorinë e Arsimit, për shkak që kandidati ynë, Uran Ismaili, ka pasur plan të detajuar për sektorin e Arsimit. Por, që një gjë e tillë po kundërshtohet nga kryetari i Komunës, Përparim Rama. Mirëpo, ka sinjale që sonte mund të na thërrasin për të na konfirmuar. Nëse nuk ndodhë një gjë e tillë, ne jemi në opozitë”, ka thënë ky burim shumë i lartë brenda Partisë Demokratike të Kosovës për Gazeta Blic.

Gjatë ditës, Gazeta Blic, raportoi për detaje të marrëveshjes eventuale mes LDK-së dhe PDK-së në Prishtinë, dhe mundësisë që asambleja komunale e kryeqytetit të shkojë sërish në zgjedhje.

Kjo për shkak të afatit ligjor për zgjedhjen e kryesuesit të Kuvendit Komunal në Prishtinë – afat i cili është deri me 7 janar.