I dërguari i Bashkimit Evropian për dialogun Kosovë-Serbi, Mirosllav Lajçak, ka thënë për agjencinë kroate të lajmeve Hina.hr, se Bashkimi Evropian dhe shtetet e Ballkanit Perëndimor duhet të tregojnë seriozitet lidhur me çështjen e zgjerimit të unionit, shkruan Fol Drejt.
“Nuk dua që të flas në terma të fajësimit të dikujt, por ka faktorë nga të dyja anët si nga Bashkimi Evropian ashtu edhe nga Ballkani që ka kanë çuar në një situatë kur ne jemi duke folur për të ardhmen e BE-së, por pa progres”, tha Lajçak.
Lajçak theksoi se ajo që ai dëshiron të shoh për partnerët në Ballkanin Perëndimor është që të nisin të marrin pjesë më tepër në programin për partneritet të BE-së. Të jenë në “dhomën” e njëjtë. Jo vetëm ne kur të flasim për Ballkanin Perëndimor, por po ashtu për ata që të jenë pjesë e diskutimit të temave të ndryshme, për të parë që ne jemi seriozë me ta. /FolDrejt/
