I dërguari special nga Bashkimi Evropian për çështjen e dialogut Kosovë – Serbi, Miroslav Lajçak, është takuar me Presidenten e Kosovës, Vjosa Osmani, e cila po qëndron në New York, shkruan Fol Drejt.
Lajçak ka treguar nëpërmjet një postimi në llogarinë e tij në Twitter se me presidenten Osmani ka vazhduar diskutimin se si të dërgohet para procesi i dialogut në normalizimin e raporteve me Serbinë dhe nevojën për zgjidhje konkrete.
“Në New York takova presidenten e Kosovës, Vjosa Osmani dhe vazhduam diskutimin tonë për rrugën përpara në dialogun për normalizimin e marrëdhënieve me Serbinë dhe nevojën për zgjidhje konkrete”, shkruan Lajçak.
Ndryshe, përveç me Lajçak, presidentja e Kosovës, Vjosa Osmani, në New York, në margjinat e sesionit të 77-të të Asamblesë së Kombeve të Bashkuara, ka takuar edhe zyrtarë të tjerë./FolDrejt/
In New York, I met with President @VjosaOsmaniPRKS. We continued our discussion about the way forward in the Dialogue on normalisation of relations with Serbia and the need for concrete solutions. pic.twitter.com/jFWvyFxqJK
— Miroslav Lajčák (@MiroslavLajcak) September 22, 2022
