Gjysma e parë e vitit 2022 ishte gjashtë muajt më të mirë në historinë e Lamborghini për sa i përket shitjeve, qarkullimit dhe përfitimit, me fabrikën Sant’Agata që shpërndau gjithsej 5,090 njësi.
Si pjesë e njoftimit për shtyp të rezultateve financiare, Lamborghini konfirmoi gjithashtu tre njoftime të modeleve të reja për këtë vit – Huracán Sterrato, plus dy të tjera në lidhje me Urus, shkruajnë mediat e huaja.
Duke filluar me rezultatet rekorde, fitimi operativ në gjysmën e parë të 2022 ishte 425 milionë euro (434,6 milionë dollarë), duke shënuar një rritje të konsiderueshme prej 69,6 për qind krahasuar me gjysmën e parë të 2021.
Qarkullimi ishte 1.33 miliardë euro (1.36 miliardë dollarë), 30.6 për qind më i lartë se vitin e kaluar dhe përfitimi u rrit në 31.9 për qind (nga 24.6 për qind).
Sa i përket debutimeve të ardhshme, Lamborghini tha se i pari do të bëhet në gusht, ndërsa dy të tjerët para fundit të vitit. /Telegrafi/
