Ministri i Jashtëm rus Sergey Lavrov zhvilloi bisedime me homologun e tij indian të mërkurën, një ditë përpara se të merrte pjesë në takimin e ministrave të jashtëm të G20 në Indi.
Përveç takimit me ministrin e Jashtëm indian Subrahmanyam Jaishankar, Lavrov zhvilloi gjithashtu bisedime me homologët e tij nga Turqia, Afrika e Jugut dhe Brazili, tha një diplomat i lartë indian që mbikëqyr angazhimet diplomatike në margjinat e takimit të G20.
Ai do të takohet më vonë gjatë ditës me ministrin e Jashtëm kinez, Qin Gang.
“Takimi i G20 i ka dhënë Rusisë mundësinë që të angazhohet drejtpërdrejt me shumë vende që dëshirojnë dhe zgjedhin të vazhdojnë tregtinë me Rusinë”, tha një zyrtar rus, duke folur në mënyrë anonime për agjencinë e lajmeve Reuters.
India ka refuzuar të fajësojë Rusinë për luftën, duke kërkuar një zgjidhje diplomatike dhe duke rritur ndjeshëm blerjet e saj të naftës ruse./FolDrejt/
