Rafael Leao mbajti sot në Milano një konferencë për shtyp në lidhje me zgjatjen e kontratës me klubin italian deri në qershor të vitit 2028. Futbollisti më i mirë i Milanit theksoi se është shumë i lumtur që ka zgjatur kontratën, por edhe se është i hapur për të veshur numrin 10 në fanellën e tij nga sezoni i ardhshëm.
Gjegjësisht, Leao deri më tani mbante numrin 17, të cilin e kishte zgjedhur edhe tani, por Gazzetta dello Sport bën të ditur se nga sezoni i ardhshëm do të mbajë numrin 10 të Milanit. Ky numër duhet të lirohet me largimin e Brahim Diaz nga klubi.
U pajtua për një pagë më të ulët nga sa i ofronin të tjerët
Ndonëse deklarata zyrtare nuk përmban detaje, disa burime nga Italia konfirmojnë se kontrata kap vlerën e 5 milionë eurove në vit me një sërë bonusesh që varen nga rezultatet e arritura, deri në maksimum 2 milionë euro. Është e qartë, pra, se është një kontratë që është të paktën dy herë më e vogël se ajo që i ofruan klubet që e kërkonin.
Ekziston gjithashtu një klauzolë blerjeje prej 175 milionë euro, por ajo mund të aktivizohet vetëm gjatë një afati shumë të shkurtër dyjavor në korrik. Përfaqësuesi portugez është në Milano që nga viti 2019 dhe gjatë kësaj periudhe ka shënuar 41 gola dhe 29 prej tyre i ka shënuar në 162 ndeshje zyrtare, transmeton Fol Drejt.
