Pavel Latushko, Zëvendës Shefi i Kabinetit të Bashkuar Tranzitor të Bjellorusisë, ka thënë se mercenarëve rusë të Wagner-it u jepen pasaporta bjelloruse, sipas një interviste me agjencinë e shtypit të Polonisë, shkruan Al Jazeera.
“Mercenarët marrin pasaporta bjelloruse, dokumente reale, por sigurisht të lëshuara me emra dhe mbiemra të ndryshëm”, tha ai.
“Kjo është arsyeja pse ata thjesht mund të arrijnë në territorin e Bashkimit Evropian,” shtoi ai.
Të hënën, Polonia dhe vendet baltike mbyllën kufijtë e tyre me Bjellorusinë.
