Denis Pushilin, kreu i Republikës Popullore separatiste të Donetskut, ka urdhëruar formimin e një administrate për qytetin e rrethuar ukrainas të Mariupolit, sipas një dekreti të publikuar në faqen e internetit të kreut të DPR.
“Një administratë lokale e Republikës Popullore të Donetskut do të formohet në qytetin e Mariupol“, thuhet në dokument sipas TASS.
Qyteti është brenda kufijve të rajonit Donetsk të Ukrainës. Qyteti ishte nën kontrollin e qeverisë ukrainase përpara luftës, por qeveria ruse, e cila njohu pavarësinë e DPR në fund të shkurtit, e konsideron të gjithë rajonin se i përket republikës separatiste.
Mariupol, i cili duroi javë të tëra të bombardimeve ruse, është rrethuar nga forcat ruse dhe autoritetet ukrainase po bëjnë gara për të organizuar evakuimin e mbi 100,000 njerëzve që kanë mbetur në qytet.
Rreth 90% e ndërtesave të banimit në qytet janë dëmtuar ose shkatërruar, dhe furnizimet me energji elektrike dhe komunikimet janë ndërprerë, thonë zyrtarët ukrainas.
