Policia e Kosovës ka njoftuar se ka arrestuar një person si të dyshuar për vrasje në tentativë, shkruan Fol Drejt.
“Sot rreth orës 13:40, kemi marrë informatën për një lëndim trupor të ndodhur në rrugën “Lidhja e Prizrenit” në Lipjan. Bazuar në të dhënat fillestare, në këtë rast janë lënduar dy persona, të cilët dyshohet të kenë pësuar lëndime nga një mjet i mprehtë.”, shkruan në njoftimin e policisë në Facebook.
Policia shtoi se personat e lënduar janë dërguar për trajtim mjekësor, ndërkohë që forcat e rendit menjëherë kanë identifikuar dhe arrestuar personin e dyshuar.
“I dyshuari:
E.K, mashkull (i mitur), pas intervistimit me vendim të prokurorit është dërguar në qendrën e mbajtjes.
Aktualisht hetuesit janë duke kryer procedurat e nevojshme lidhur me rastin i cili është cilësuar si Vrasje në tentativë.”, thuhet në fund të njoftimit. /FolDrejt/
