Lipjan/Blenë veturën nga viktima, por nuk ia dhanë paratë, tre të dyshuarit përfundojnë në pranga

Tre persona kanë përfunduar në pranga, pasi të njëjtët kanë mashtruar viktimën prej të cilit kishin blerë një veturë.

Rasti ka ndodhur në Lipjan, rreth orës 12:26, transmeton Fol Drejt.

Siç bëhet e ditur në raportin 24 orësh, viktima mashkull kosovar ia kishte shitur një veturë njërit prej të arrestuarve, por paratë nuk i kishte marr nga i dyshuari.

Më pas, i dyshuari i parë veturën e viktimës ia kishte shitur të dyshuarit të dytë, kurse i dyshuari i dytë ia kishte shitë të dyshuarit të tretë.

Tutje, bëhet e ditur se me vendim të prokurorit, tre të dyshuarit janë dërguar në mbajtje për 48 orë./FolDrejt/