Policia indiane arrestoi gazetari musliman Mohammed Zubair më 27 qershor, për të cilin pretendoi se fyente “zotin e një feje” në një postim në mediat sociale në 2018.
Gjykata e Lartë e Indisë ka vendosur që të lirohet me kusht gazetari musliman, Mohammed Zubair, i cili u arrestua në fund të muajit të kaluar për dyshimin se synoi ndjenjat fetare, shkruan AA, transmeton Fol Drejt.
Gjykata e Lartë urdhëroi lirimin e menjëhershëm të gazetarit Zubair nga burgu Tihar në New Delhi.
Duke theksuar se qeveria e provincës Uttar Pradesh nuk donte që gazetari në fjalë të postonte në Twitter, gjykatësi Dhananjaya Yeshwant Chandrachud tha: “Si mund t’i thuash një gazetari që nuk mund të shkruash?”
Zubair u ndalua më 27 qershor
Policia indiane arrestoi Zubairin më 27 qershor, për të cilin pretendoi se fyente “zotin e një feje” në një postim në mediat sociale në 2018.
Zubair, një nga drejtuesit e “Pravda Media” dhe bashkëthemelues i faqes së internetit “Alt News”, doli para gjykatës në kryeqytetin New Delhi.
Autoritetet policore i paraqitën gjykatës raportin që përgatitën në lidhje me Zubairin, të cilin e akuzuan se synonte ndjenjat fetare. Në raport gjithashtu Zubairi u akuzua për “shkatërrim të provave, bashkëpunim dhe marrjen e fondeve nga vendet e huaja”.
Pretendohet se Zubair shkatërroi provat duke fshirë postimet e tij në rrjetet sociale dhe duke formatuar telefonin e tij.
Vendimi i paraburgimit shkaktoi reagim
Arrestimi i gazetarit Zubair ngjalli zemërim mbarëkombëtar.
Një përdorues për të cilin njoftohet se ishte ankuar për postimin e Zubairit, bëri postimin e parë nga llogaria që ai hapi në tetor 2021 dhe etiketoi Policinë e New Delhit dhe njësinë e krimit kibernetik në lidhje me sigurinë rreth postimit të Zubairit të cilin e kishte bërë më 19 qershor 2018.
Fakti që postimi i parë është bërë për Zubairin muaj pas hapjes së llogarisë dhe se deri më tani janë bërë vetëm 3 postime nga llogaria, ka ngritur pikëpyetje të ndryshme për besueshmërinë e profilit.
Zubairi, 33-vjeçar, ishte ndër gazetarët e parë që reagoi ndaj fyerjeve të autoriteteve indiane kundër profetit Muhamed në qershor.
Zubair është një nga partnerët themelues të “Alt News”, uebsajti i “kontrollit të fakteve” (fact-checking) që synon të luftojë devijimin e informacionit, menaxhimin e propagandës dhe lajmet e rreme.
Gazetarët në Indi vitet e fundit janë vënë në shënjestër gjithnjë e më shumë për punën e tyre.
Sipas Indeksit të Lirisë së Shtypit të këtij viti të publikuar nga Reporterët pa Kufij, India renditet e 150-ta nga 180 vende.
“Gazetarët indianë që janë shumë kritikë ndaj qeverisë i nënshtrohen fushatave të gjithanshme të ngacmimeve dhe sulmeve”, thuhet në indeks./FolDrejt/
