Lista Serbe sot në emër të popullit serb në Kosovë, ka kërkuar nga Qeveria e Serbisë që të shpallë organizata terroriste strukturat policore, speciale dhe inteligjente të dislokuara nga autoritetet e Kosovës në pjesën veriore, sepse, siç pretendojnë ata në deklaratë, “kërcënojnë paqen në këto zona, me pasoja të pallogaritshme për të ardhmen e Ballkanit Perëndimor dhe të gjithë Evropës.”
SL thekson në një letër drejtuar qeverisë se i drejtohet qeverisë në emër të popullit serb nga Kosova “i cili për më shumë se dy vjet po vuan terrorin dhe represionin nga ‘regjimi’ antiserb i Albin Kurtit me qëllim të persekutimit të gjithçkaje që është serbe, duke shkelur të gjitha marrëveshjet e arritura që garantonin të drejtat e popullit serb dhe përmes represionit institucional kërcënon mbijetesën dhe paqen në këto zona”.
Lista Serbe pretendon se “regjimi”, duke iu referuar kështu udhëheqjes demokratike të kryeministrit Albin Kurtit, po ushtron dhunë institucionale në veri të Kosovës përmes strukturave të caktuara parapolicore, speciale dhe inteligjente, veprimet e të cilave kërcënojnë paqen, sigurinë dhe sigurinë e popullit tonë, si dhe paqen në tërësi në Ballkanin Perëndimor.
