Predrag Spasiq (57) është një ish-përfaqësues i futbollit jugosllav, i cili ishte anëtar standard i ekipit që humbi nga Argjentina në çerekfinale të Kupës së Botës 1990 me penallti, raportojnë mediat e huaja, përcjell Fol Drejt.
Më pas ai ra në sy të Real Madridit, ku kaloi një sezon dhe luajti 22 ndeshje. Pas një autogoli në ndeshjen kundër Barcelonës, ai u largua nga klubi dhe u transferua në Osasuna, dhe luajti në La Liga për gjithsej katër vjet.
Megjithatë, paratë e fituara nga futbolli nuk ka arritur t’i kursejë. Ai falimentoi pasi investoi para në një projekt që dështoi.
Sot Spasiq punon për 400 euro në muaj në një depo në Kragujevc.
Kam nevojë për ndihmë në kuptimin ekonomik. Jetoj dita-ditës, jam në një situatë të vështirë. Duhet të jesh i fortë për të kapërcyer gjithçka – u tha Spasiq gazetarëve spanjollë që e vizituan.
Para kësaj, Spasiq nuk ishte shfaqur në media për 30 vite dhe pasi publiku mësoi për këtë rast, Shoqata e Veteranëve të Real Madridit e ka kontaktuar atë.
Ajo shoqatë i ndihmon ish-lojtarët e klubit mbretëror dhe nuk janë të rralla rastet kur futbollistët që kanë luajtur për Realin kanë probleme financiare.
Tani i kanë premtuar se do ta ndihmojnë Spasiqin.
Jam i lumtur për këtë. Jam krenar, ndoshta është faji im. Gjithçka që më ndodhi më goditi fort dhe nuk fola me askënd. Jetova në heshtje dhe u mbylla në vetvete – tha Spasiq. /FolDrejt/
