Huamarrja neto e qeverisë gjermane u rrit në 115.4 miliardë euro (124.5 miliardë dollarë) në vitin 2022 për shkak të pandemisë COVID-19 dhe luftës në Ukrainë, sipas ministrit të Financave Christian Lindner, shkruan Al Jazeera, përcjell Fol Drejt.
Huamarrja e qeverisë në vitin 2022 ishte në nivelin e tretë më të lartë në historinë e vendit, pas një rekordi prej 215.4 miliardë euro në 2021 dhe 130.5 miliardë në 2020, sipas ministrisë së financave.
“Ne nuk po i shterojmë të gjitha mundësitë e huamarrjes, por vetëm aq sa është e nevojshme,” tha Lindner.
Gjermania shpenzoi 481.3 miliardë euro vitin e kaluar, 14.5 miliardë euro më pak se sa ishte planifikuar, sipas ministrisë së financave. Kjo krahasuar me një shpenzim prej 557.1 miliardë euro në 2021.
Parlamenti gjerman pezulloi frenimin e borxhit të parashikuar me kushtetutë midis 2020 dhe 2022 për të lejuar shpenzime shtesë në përgjigje të pandemisë dhe efekteve të luftës në Ukrainë. /FolDrejt/
