Presidenti i Francës, Emmanuel Macron dhe kryeministri i Indisë, Narendra Modi, kanë zhvilluar një bisedë telefonike.
Sipas një deklarate nga pallati Elysee, në bisedën telefonike të zhvilluar dje, Macron dhe Modi diskutuan mbi luftën Rusi-Ukrainë dhe pasojat destabilizuese të luftës për pjesën tjetër të botës, shkruan AA, transmeton Fol Drejt.
Macron ka folur për vendosmërinë e Francës për të vazhduar mbështetjen e saj ndaj Ukrainës dhe se liderët janë shprehur se janë dakord për të punuar së bashku që kjo luftë të përfundojë.
Në deklaratë bëhet e ditur se Macron ka vënë theksin mbi rëndësinë e punës së koordinuar të komunitetit ndërkombëtare përballë krizës ushqimore dhe se dy liderët krahas marrëdhënieve Francë-Indi kanë diskutuar problemet në rajonin Indo-Paqësor dhe situatën në Sri Lankë.
Ndër të tjera njoftohet se Macron ka vënë në dukje mbështetjen e plotë të Francës për objektivat klimatike të Indisë./FolDrejt/
