Japonia të shtunën pretendoi se pesë anije luftarake kineze dhe ruse kanë lundruar përmes ngushticës Soya midis ishullit verior japonez Hokkaido dhe ishullit rus Sakhalin, shkruan Anadolu, transmeton Fol Drejt.
Nëntë nga anijet detare, të cilat kaluan në Detin Okhotsk, u përfshinë në një stërvitje të përbashkët në Detin e Japonisë më 18-23 korrik, raportoi Kyodo News me bazë në Tokio, duke cituar një deklaratë të Ministrisë japoneze të Mbrojtjes.
“Anijet kineze dhe ruse – shkatërrues, fregata dhe anije furnizimi – ishin të vendosura rreth 200 kilometra në jugperëndim të ishullit Rebun në Hokkaido rreth orës 15:00 të premten dhe lëvizën drejt lindjes përmes ngushticës deri të shtunën”, tha agjencia, duke shtuar se Tokio ka monitoruar lëvizjet e anijeve.
Javën e kaluar, forcat detare dhe ajrore kineze dhe ruse zhvilluan stërvitje të përbashkët në Detin e Japonisë. Sipas mediave kineze, të përfshira ishin dhjetë anije dhe 30 avionë.
