Koreja e Veriut dhe Koreja e Jugut, së bashku me Shtetet e Bashkuara dhe Kinën, kanë arritur një marrëveshje për t’i dhënë fund zyrtarisht armiqësive në Gadishullin Korean, të cilat filluan në vitin 1950. Lufta Koreane, e cila filloi menjëherë pas përfundimit të Luftës së Dytë Botërore, zgjati tre vite (deri në 1953) dhe rezultoi në ndarjen e gadishullit.
Megjithatë, kurrë nuk mori fund zyrtarisht, pasi vendet e përfshira refuzuan të deklaronin fundin e luftës. Me fjalë të tjera, kjo është lufta më e gjatë në historinë moderne. Sipas BBC , presidenti i Koresë së Jugut ishte ai që mori përsipër personalisht çështjen, duke besuar se ndërprerja zyrtare e armiqësive do të ndihmonte në përmirësimin e marrëdhënieve me Korenë e Veriut.
Megjithatë, pavarësisht progresit të konsiderueshëm dhe marrëveshjes në parim, ende nevojitet shumë punë, kryesisht për shkak të kërkesave të Phenianit.
Çfarë kërkon Koreja e Veriut
Sipas të njëjtit raport, në shtator, motra e liderit të Koresë së Veriut Kim Jong-un, e cila ka një ndikim të madh në përcaktimin e politikës së Kim Jong-un, bëri thirrje për t’i dhënë fund armiqësive me kusht që SHBA të hiqte dorë nga”qëndrimi armiqësor” kundër Koresë së Veriut.
Koreja e Veriut ka kundërshtuar vazhdimisht praninë e forcave amerikane në Korenë e Jugut, stërvitjet e përbashkëta ushtarake midis Shteteve të Bashkuara dhe Koresë së Jugut çdo vit dhe sanksionet e SHBA-së mbi programin e armëve të Koresë së Veriut.
“Për shkak të këtyre, ne nuk mund të ulemi ende në tryezë ose të negociojmë një deklaratë për përfundimin e luftës”, tha presidenti i Koresë së Jugut të hënën.
North and South Korea—along with the U.S. and China—have agreed “in principle” to officially declare an end to the Korean war after nearly seventy years since the end of hostilities, South Korean President Moon Jae-in announced on Monday. pic.twitter.com/VOgrmC8Wz2
— Forbes (@Forbes) December 13, 2021
Rikujtojmë se lufta e vitit 1950 filloi kur 75.000 ushtarë komunistë nga Veriu kaluan paralelen e 38-të (ajo u përcaktua si kufiri i dy rajoneve) dhe hynë në territorin e Koresë së Jugut. Trupat amerikane i erdhën në ndihmë të koreano-jugorëve, ndërsa koreano-veriorët kishin mbështetjen e Kinës dhe Bashkimit Sovjetik, raporton abcnews.al
Lufta jozyrtare mori fund në korrik 1953, pas një marrëveshjeje midis Shteteve të Bashkuara dhe Koresë së Veriut.
Gjithsej 5 milionë njerëz humbën jetën gjatë konfliktit.
/abcnews.al
