E ardhmja e Spanjës në futboll duket e ndritur pas shfaqjes së lojtarëve të rinj si Pedri, Gavi, Yeremi Pino dhe Ferran Torres, të cilët të gjithë morën thirrjet e para nën drejtimin e Luis Enriques.
“Nuk është normale që ai të luajë kështu”.
“Ai është një lojtar me personalitet, me cilësi fizike të lakmueshme dhe ka stilin tonë të lojës”, kishte thënë Luis Enrique pas ndeshjes.
Gavi tani është vendosur në formacionin fillestar të Barcelonës, pasi ka shënuar 2 gola në 21 ndeshje në La Liga këtë sezon.
Kampionati Evropian dhe Olimpiada
Ndërkohë, pavarësisht se ka luajtur futboll elitar vetëm për dy sezone, Pedri është bërë një lojtar i formacionit bazik të Spanjës dhe Barcelonës.
Në fakt, ai mori pjesë si në Kampionatin Evropian 2020, ashtu edhe në Lojërat Olimpike, në të njëjtën verë.
“Është mënyra se si ai e kupton lojën, si lëviz midis linjave, si lëviz pas mesfushorëve mbrojtës”.
“Ai më kujton shumë Andres Iniestën. Ai është i mrekullueshëm. Nuk kam parë shumë talente të tillë”, ka thënë Xavi pas fitores 4-0 të Barcelonës ndaj Athletic Bilibaos të dielën e kaluar.
Pino, katër gola kundër Espanyolit
Yeremi Pino, i cili debutoi për Spanjën në gjysmëfinalen e Ligës së Kombeve kundër Italisë, ishte lojtari që spikati në fitoren 5-1 të Villarrealit ndaj Espanyol të dielën.
Anësori 19-vjeçar realizoi një het-trik të përsosur përpara se të vazhdonte të shënonte golin e tij të katërt në hapësirën prej 52 minutash për “Nëndetësen e Verdhë”.
Ferran, ylli i ri i Barcelonës
Sulmuesi 21-vjeçar iu bashkua Blaugranave nga Manchester City në janar dhe tashmë ka treguar talentin e tij, pavarësisht se i mungojnë golat në ndeshjet e fundit.
Xavi ka besuar tek ai, pasi Ferran ka qenë një titullar i padiskutueshëm që nga ardhja e tij në Kataloni.
Edhe ai është nga të preferuarit e Luis Enriques, ku në dy vitet e fundit ka më së shumti gola.
