Presidenti i Bjellorusisë, Aleksandër Lukashenko ka folur për detajet e negociatave mes Wagner-it dhe Rusisë gjatë fundjavës, në të cilat kanë marrë pjesë edhe zyrtarë bjellorusë, raporton Klix, përcjell Fol Drejt.
Në shqyrtimin e ngjarjeve, Lukashenko deklaroi se ishte e dhimbshme të vëzhgoje gjithçka që po ndodhte.
“Nuk do ta fsheh që ishte e dhimbshme të shikoja ngjarjet që ndodhën në jug të Rusisë. Jo vetëm për mua. Shumë nga qytetarët tanë i morën për zemër. Sepse atdheu është një. Duke marrë parasysh rolin e Bjellorusisë në zgjidhjen e kësaj më duhet të shpjegoj qëndrimin tonë dhe vendimet e marra”, tha Lukashenko.
Ai tha se të shtunën ka lëshuar edhe urdhër për vendosjen e ushtrisë në gatishmëri luftarake.
“Kur ndodhën ngjarjet në Rusi, unë dhashë të gjitha urdhrat për të sjellë ushtrinë në gatishmëri të plotë luftarake. Askush, as në ato kanale të Telegram nuk protestoi. Forcat e armatosura, forcat speciale madje edhe policia u sollën në gatishmëri të plotë luftarake. “, tha presidenti i Bjellorusisë. /FolDrejt/
