Kërcënimet e presidentit të Bjellorusisë kundër Perëndimit – “Kujdes, ne jemi të bashkuar me Rusinë dhe kemi armë bërthamore” tha ai.
Alexander Lukashenko nisi një sulm të ashpër kundër Perëndimit me përshkrime nënçmuese të Olaf Solz -it dhe Emmanuel Macron -it , duke e rikthyer në tavolinë kërcënimin bërthamor. Presidenti i Bjellorusisë i quajti kancelarin gjerman Olaf Scholz dhe presidentin francez Emmanuel Macron “fëmijë të vegjël që përdorin negociatat e tyre me Vladimir Putin për marrëdhënie me publikun”, shkruan protothema, transmeton Fol Drejt.
“Soltz është një fëmijë që nuk kupton asgjë dhe nuk dëshiron të kuptojë politikën, ” u tha Lukashenko gazetarëve, duke komentuar deklaratat e kancelarit për përmbajtjen e bisedës së tij me presidentin rus.
“Diskutimet e tilla mes dy krerëve të shtetit janë absolutisht të mbyllura. Mund të flisni për bisedën dhe ta bëni publike vetëm me pëlqimin e personit në anën tjetër të linjës. Ai duhej të pajtohej me Putinin, ta pyeste nëse është dakord”, vazhdoi presidenti bjellorus.
Lukashenko tha gjithashtu se jo shumë kohë më parë, Macron po ” promovonte veten te gazetarët” duke folur me Putinin. “Ky është një fëmijë, një fëmijë i vogël. Është e pamundur, asgjë e tillë nuk ndodh” , tha ai.
