Franca është e përgatitur të sigurojë 6.24 milionë dollarë (gjashtë milionë euro) për të ndihmuar Ukrainën që të dërgojë ushqim në Jemen dhe Sudan, sipas një plani të ri të Programit Botëror të Ushqimit, thotë presidenti francez Emmanuel Macron, sipas Al Jazeera, përcjell Fol Drejt.
“Vendet më të dobëta nuk mund të paguajnë çmimin për një luftë që nuk donin të ndodhte”, tha Macron në një video të postuar në Twitter.
Më herët, në samitin “Grurë nga Ukraina” të mbajtur në Kiev, ku morën pjesë personalisht kryeministrat e Belgjikës, Polonisë dhe Lituanisë dhe presidenti i Hungarisë, ndërsa nëpërmjet videove ishin edhe presidentët e Francës dhe Gjermanisë dhe kreu i Komisionit Evropian, presidenti ukrainas Volodymyr Zelenskyy tha se Kievi kishte mbledhur rreth 150 milionë dollarë nga më shumë se 20 vende dhe Bashkimi Evropian për të eksportuar grurë në vende të varfëra, duke përfshirë Etiopinë, Sudanin, Sudanin e Jugut, Somalinë dhe Jemenin.
“Ne planifikojmë të dërgojmë të paktën 60 anije nga portet ukrainase në vendet që më së shumti përballen me kërcënimin e urisë dhe thatësirës”, tha Zelensky. /FolDrejt/
