Presidenti francez Emmanuel Macron tha sot se Kina ka një “rol kryesor” në gjetjen e një rruge drejt paqes në Ukrainë dhe tha se nuk është në interesin e saj të furnizojë Rusinë me armë në luftën kundër Ukrainës.
Është një akt që liderët francezë thanë se do ta bënte Pekinin bashkëpunëtor në shkeljen e ligjit ndërkombëtar, raportoi Reuters.
“Interesi i Kinës nuk është të ketë një luftë afatgjatë”, tha Macron.
Evropa nuk duhet të dëmtojë marrëdhëniet tregtare dhe diplomatike me Kinën
Presidenti francez theksoi se Evropa duhet t’i rezistojë ndërprerjes së marrëdhënieve tregtare dhe diplomatike me Kinën.
Në fillim të një vizite shtetërore në Pekin, ai tha se mbajtja e një dialogu me Kinën ishte thelbësore duke pasur parasysh lidhjet e saj të ngushta me Rusinë, e cila po bën luftë në Ukrainë, raportoi Reuters.
“Ne po dëgjojmë zëra gjithnjë e më të fortë që shprehin shqetësim të madh për të ardhmen e marrëdhënieve midis Perëndimit dhe Kinës, të cilat në një farë forme çojnë në përfundimin se ekziston një spirale e pashmangshme e rritjes së tensioneve,” u tha Macron gazetarëve në ambasadën franceze në Pekin, transmeton Fol Drejt.
