Madonna ka njoftuar se ajo ka dhuruar një milion dollarë për përshpejtimin e gjetjes së terapisë për COVID-19 të Gates Philanthropy Partners, në mënyrë që të ndihmojë në gjetjen e një kure për coronavirusin.
Në një deklaratë të gjatë të ndarë në faqen e saj Madona.com, ylli i pop-it, 61 vjeçe, tha që është “aq e mahnitur nga puna e fondacionit të dyshes Bill & Melinda Gates sa dëshiron të kontribuojë në kauzën”.
Miliarderi i Microsoft njoftoi planet e tij për të financuar shtatë laboratorë të ndryshëm kërkimi, në mënyrë që të gjente një kurë për virusin të enjten, shkruan DailyMail.
Madonna ndau me fansat një video në faqen e saj në Instagram të premten dhe njoftoi lajmin për dhurimin e saj të madh për fansat.
Ajo tha: “Individualisht dhe globalisht ne jetojmë qartë në një gjendje të jashtëzakonshme, duhet të pranoj se më është dashur kohë për të pranuar dhe përpunuar dhe modifikuar vetë stilin e jetës time”.
“Unë po bashkohem me përpjekjet e Fondacionit Bill & Melinda Gates për të gjetur një ilaç që do të parandalojë ose trajtojë COVID-19”.
“Ne kemi nevojë për këtë për të mbrojtur punonjësit tanë shëndetësorë, më të prekurit dhe të gjithë miqtë dhe familjet tona”, shtoi ajo.
“Unë jam e impresionuar aq shumë nga puna e fondacionit Bill & Melinda Gates dhe përpjekjet urgjente të përshpejtuesit të terapisë COVID-19 për të gjetur ilaçe të reja ose ekzistuese që mund të parandalojnë ose trajtojnë sëmundjen”, ka theksuar 61-vjeçarja.
“Duke shfrytëzuar forcën dhe njohuritë e komunitetit të kërkimit, progresi shkencor kritik i përshpejtuesit do të informojë se si do ta përfundojmë këtë pandemi dhe për të parandaluar ndikimin e ardhshëm nga virusi. Unë u dërgoj një mirënjohje dhe forcë të madhe reaguesve të guximshëm të parë, profesionistëve mjekësorë dhe shkencëtarëve që mbrojnë komunitetet tona, ata që vuajnë dhe më të prekurit tanë”, thotë Madonna.
Bill zbuloi qëllimin e bamirësisë së tij në “The Daily Show”, ku i tha prezantuesit Trever Noah: “Për shkak se fondacioni ynë ka një ekspertizë kaq të thellë në sëmundjet infektive, kemi menduar për epideminë, kemi financuar disa gjëra për të qenë më të përgatitur, si një përpjekje për vaksinim”.
Bill dhe Melinda Gates (Foto: Jamie McCarthy/Getty Images/Guliver)
Ai vazhdoi: “Paratë tona të hershme mund të shpejtojnë gjërat”.
Sipërmarrësi tha se ai po zgjedh shtatë kandidatët kryesorë për vaksina dhe ndërtimin e kapaciteteve prodhuese për ta.
Ai tha: “Edhe pse ne do të përfundojmë të marrim më së shumti dy prej tyre, ne do të financojmë fabrika për të shtatë, vetëm që të mos humbim kohë duke thënë: ‘mirë, cila vaksinë funksionon?’”.
Rastet globale të coronavirusit janë rritur në një milion, ndërsa pandemia shpërtheu edhe në ShBA dhe numri i të vdekurve vazhdon të rritet në Itali dhe Spanjë, sipas një raporti nga Universiteti Johns Hopkins.
Madonna dhuron një milion dollarë për fondacionin e Bill dhe Melinda Gates (Foto: Nicholas Hunt/Getty Images/Guliver)
Virusi vdekjeprurës ka vrarë më shumë se 52,000 njerëz në të gjithë botën, me numrin më të madh të vdekjeve në Itali, pasuar nga Spanja dhe ShBA.
100,000 rastet e para u raportuan në rreth 55 ditë, 500,000 në 76 ditë, dhe ato u dyfishuan në një milion brenda tetë ditëve të fundit.
Shkalla e vdekshmërisë globale tani është mbi pesë për qind e të gjitha rasteve të raportuara, me vendet përfshirë: Mbretërinë e Bashkuar, ShBA dhe Spanjën që raportojnë një rritje të viktimave gjatë ditëve të fundit.
Rreth 22 për qind e rasteve totale janë raportuar nga ShBA, ndërsa Italia dhe Spanja kanë raportuar secila 11 për qind të rasteve globale.
Shkencëtarët po punojnë pa u lodhur për të zbuluar më shumë rreth COVID-19 dhe për të krijuar një vaksinë.
