Magazina e Departmentit të Policisë së New York NYPD, ”COMMUNITY OUTREACH DIVISION CLERGY CONNECT QUARTERLY COMMUNITY NEëSLETTER” në faqen e 4 dhe 5 kanë bërë një raport rreth imamit Tahir Kukaj.
Ata duan të njoftojnë lexuesit e tyre me imamin shqiptar Kukaj, i cili prej 17 vitesh është në shërbim të departamentit për studimet islame në Miraj Islamic School dhe zv.president i Qendrës Kulturore Islame Shqiptare në Staten Island.
Kush është Tahir Kukaj?
Tahir Kukaj ka lindur në 1965 dhe është rritur si shqiptar musliman në Kosovë, pjesë e ish Jugosllavisë. Kur arriti moshën 10 vjeç, babai i tij Mustafa, i tregoi një ngjarje që nuk do e harronte kurrë. Njëzet vjet më parë, sistemi komunist kishte ekzekutuar gjyshin e Tahirit, i cili gjithashtu si dy ungjit e tij kishte qenë imam. Si fëmijë, babai i Tahirit, i kishte premtuar Allahut: “Nëse Ai do ia shpëtonte jetën, fëmijën e tij do e dërgonte për “studime dhe të bëhej si babai im.” Në këto kohë, imamët trajtoheshin si armiq të shtetit, por Tahiri ju lut të atit, se do ndiqte këtë rrugë edhepse i rrezikohej jeta si musliman në Kosovën komuniste, informon foldrejt.com.
“Si qenie njerëzore, nuk është me rëndësi çfarë religjioni, race ose gjini i takon; pasi secili kërkon të ketë një jetë me dinjitet, të jetë i respektuar, i dashuruar dhe të jetë i mirëseardhur,” thotë Kukaj, përcjell foldrejt.com.
Në 1984, kur Tahiri mbushi 19 vjet u zhvendos për studime islame në Universitetin Azhar të Kairos. Ai mbaroi doktoraturën atje dhe magjistroi në gjuhën arabe. Tahiri kujton një rast kur njëri nga profesorët e tij u dha detyrë studentëve që të lexojnë Biblën me të njëjtin respekt si Kuranin. Ai mesoi se religjionet kanë më shumë gjëra të përbashkëta sesa nuk kanë dhe se të gjithë jetët duhet të respektohen.
“Jeta e një njeriu është e barabartë me jetët e të gjithë njerëzve,” vijon Tahiri.
Në 2002 Tahiri zhvendoset nga Egjipti në SHBA – ku bëhet pjesë e Shkollës Miraxh dhe Qendrës Kultorore Shqiptare. Në 2015 ai kontribuoi për formimin e Clergy Advisory Council sëbashku me majorin Bill De Blasio, gjë që kishte si synim dialogun mes religjioneve të ndryshme.
Së fundi Kukaj është shpallur si njëri ndër 100 njerëzit më të respektuar dhe me ndikim në Staten Island nga Staten Island Power 100 (një ndër kompanitë mediale më të respektuara në New York State). Me ndërtimin e urave dhe dialogut mes etnive dhe religjioneve të ndryshme, Tahiri është me të vërtetë ndër ambasadorët me të përsosur klerikalë të New Yorkut.
Departamenti i Policisë NYPD vlerëson lartë punën e klerikëve të cilët asistojnë dhe bashkëpunojnë për të mirën e komunitetit./Foldrejt.com
