Në seancën e saj të parë, Parlamenti i Malajzisë sot zgjodhi kryetarin e ri.
Kryetari i ri i Parlamentit u zgjodh Johari Abdul, i njohur si Dewan Rakyat, i cili do të zëvendësojë Azhar Azizan Harun, shkruan AA, transmeton Fol Drejt.
Emri i Joharit u propozua nga kryeministri Anwar Ibrahim, i cili u mbështet nga zëvendëskryeministri Ahmad Zahid Hamidi.
Përveç betimit të 222 deputetëve, Parlamenti do të debatojë mocionin e besimit mbi qeverinë e unitetit të udhëhequr nga Anwar, i cili u zgjodh shef ekzekutiv muajin e kaluar.
Udhëheqësi reformist Anwar 75-vjeç, drejton qeverinë e unitetit të përbërë nga Aleanca e tij e Shpresës ose Pakatan Harapan (PH), Fronti Kombëtar ose Barisan Nasional (BN) dhe Aleanca e Partive Sarawak ose Gabungan Parti Sarawak (GPS).
Më 19 nëntor në Malajzi u mbajtën zgjedhjet e 15-ta të përgjithshme, nga të cilat doli përbërja e re parlamentare prej 222 vendesh. PH në këto zgjedhje fitoi 82 vende.
Anwar njoftoi kabinetin e tij prej 27 anëtarësh të premten e kaluar, përfshirë dy zëvendëskryeministra, Ahmad Zahid Hamidi nga BN dhe Fadillah Yusof i GPS-së.
Sipas një memorandumi të mirëkuptimit të nënshkruar mes partive të Qeverisë së Unitetit, “çdo deputet që voton kundër qeverisë do të konsiderohet se ka dhënë dorëheqje”.
Mocioni i besimit pritet të debatohet nga 4 deputetë të qeverisë dhe 3 deputetë të opozitës përpara se të dalë në votim./FolDrejt/
