Një qytet po ndërtohet mbi ujërat e Oqeanit Indian. Qyteti lundures, i cili do të strehojë 20 000 njerëz do të jetë vetëm 10 minuta larg nga Male, kryeqyteti i Maldive. Qyteti do të përbëhet nga 5 mijë njësi lundurese duke përfshirë shtëpi, restorante, dyqane dhe shkolla me kanale në mes.
I gjithë qyteti do të përfundojë deri në vitin 2027. Projekti po ndërtohet si një zgjidhje praktike për realitetin e ashpër të rritjes së nivelit të detit. Një arkipelag me 1,190 ishuj të ulët, Maldivet janë një nga vendet më të cenueshme në botë ndaj ndryshimeve klimatike.
Tetëdhjetë përqind e sipërfaqes tokësore është më pak se një metër mbi nivelin e detit dhe me nivelet e parashikuara që mund të rriten deri në një metër deri në fund të shekullit, pothuajse i gjithë vendi mund të zhytet në ujë. Por nëse një qytet noton, ai mund të ngrihet me detin.
Kjo është shpresa e re për më shumë se gjysmë milioni banorë të Maldiveve, tha Koen Olthuis, themeluesi i ëaterstudio, firma e arkitekturës që projektoi qytetin. “Kjo mund të dëshmojë se ka banesa të përballueshme, komunitete të mëdha dhe qytete normale në ujë që janë gjithashtu të sigurta.
Ata do të shkojnë nga refugjatët e klimës në novatorë të klimës,” tha ai për CNN. Plane të tjera për qytetet lundruese janë nisur, si Oceanix City në Busan, Koreja e Jugut, dhe një seri ishujsh lundrues në Detin Baltik të zhvilluara nga kompania holandeze Blue21, por asnjë nuk konkurron me këtë shkallë dhe afat kohor./abcnews/
