Malta do të vazhdojë përpara me planet për aplikimin e një formulari certifikimi të vaksinës antiCOVID-19, pavarësisht nga planet e BE-së për pasaporta dixhitale, njoftoi ministri i Turizmit, Clayton Bartolo.
“Malta do të jetë një nga vendet e para që do të miratojë një sistem certifikimi, idealisht para 1 qershorit”, sqaroi ai.
Aktualisht, Malta është në bisedime dypalëshe me Britaninë e Madhe dhe Izraelin për të lejuar udhëtimin falas për udhëtarët plotësisht të vaksinuar drejt dhe nga ato vende, si edhe është në rrugën e duhur për të qenë shteti i parë anëtar i BE-së që ka një popullsi plotësisht të vaksinuar, raporton ATSh.
Deklarata e Bartolo vjen ndërsa Malta lehtëson gradualisht kufizimet e saj të fundit COVID-19.
Numri i rasteve për shkak të virusit është zvogëluar në javët e fundit dhe po kështu edhe normat e shtrimit në spital, duke bërë që autoritetet të heqin gradualisht kufizimet e shëndetit publik.
