Nga akti i dyfishtë terrorist në Zelandë të Re, të premten, u vranë sëpaku 49 besimtarë muslimanë. Arma e atentatorit mbante të shkruar shumë emra të “idolëve” të tij, që lidheshin me fitoren e euro-krishterëve kundër muslimanëve, turqve dhe osmanëve, shkruan foldrejt.com.
Në imazhet e shpërndara nëpër rrjetet sociale, foldrejt.com, ka arritur t’i zbërthejë emrat e idolëve të Brenton Tarrant, të cilët ishin shkruar latinisht, qirilic dhe me alfabetin gjeorgjian (mkhedruli). Mes tjerash dallojmë:
Alexandre Bissonnette — studenti terrorist, i cili hapi zjarr në xhaminë e Quebec në Kanada në 29 janar 2017, ku mbetën të vrarë gjashtë persona.
Luca Traini — ekstremisti italian i cili gjuajti kundër emigrantëve të zi në shkurt 2018, duke plagosur gjashtë sosh.
Josue Estebanez — neo-nazisti spanjoll i cili në 2007 theri me thikë fatalisht një protestues antifashist – 16 vjeçarin Carlos Palomino.
Bajo Pivljanin —komandant sllav i shekullit të 17, i cili luftoi kundër sundimit osman në veriperëndim të Ballkanit, i cilësuar si hero nga kroatët dhe serbët.
Charles Mantel — defakto mbret i frankëve, i cili mposhti me sukses umajadët arab në Betejën e Martirëve në vitin 732. Beteja u zhvilluar në afërsi të vendbanimit qendror francez Vouneuil-sur-Vienne.
Janosh Huniadi — gjenerali hungarez me origjinë vllahe që fitoi kundër osmanëve dyherë: 1441 dhe 1442.
Konstantin II Asen — Konstandini i dytë i Bullgarisë, i cili udhëhoqi rebelimin kundër osmanëve për disa vjet, por që përfundoi me humbje.
Milosh Obiliqi — kalorësi në shërbim të princit Lazar, i cili vrau Sultan Muradin e I.
Pelayu — Vizigoti që njihet si promotori i lëvizjes për largimin e civilizmit arab nga gadishulli iberik.
Prince Fruzhin —princi bullgar i cili luftoi kundër osmanëve dhe mbrojti Perandorinë e Dytë Bullgare.
Sebastiano Venier — Venedikasi që luftoi gjatë Betejës së katër mes osmanëve dhe venecianëve.
Sigismund of Luxembourg — udhëhoqi kryqtarët në Nikopolis 1396 dheluftoi për të liruar Bullgarinë nga osmanët – por dështoi.
Feliks Kazimierz Potocki — mori pjesë në mbrojtjen e Vjenës nga osmanët e udhëhequr prej shqiptarit Kara Mustafa Pasha 1683.
Iosif Gurko — marshali rus i cili luftoi kundër osmanëve në 1877-1878. Ai i solli humbje të mëdha osmanëve, që shpiu te humbja e shumë territoreve osmane.
“Beteja e Lepantos 1571” është mes emrave të shkruar në armën e terroristit duke kujtuar humbjen e osmanëve në detin Jon nga forcat e krishtera – duke i dhënë fund sundimit të tyre në Korfuz dhe njihet si data e fillimit të rënies së dominimit osman mbi Europën.
“14” – duke kujtuar edhe sloganin e derivuar nga autobiografia e Adolf Hitlerit, që në anglisht ka 14 fjalë: “We must secure the existence of our people and a future for white children.”
Beteja e Kagul, 1770 — një ndër betejat kryesore turko-ruse.
Në armën e agresorit terrorist shkruan edhe emri i Skëndërbeut, pasi luftoi suksesshëm kundër osmanëve./Foldrejt.com
