Marco Asensio do të vendosë për të ardhmen e tij në ditët në vijim pasi të përfundojë ndeshjen e Nations League me kombëtaren e Spanjës.
Reali e ka në listën e shitjeve futbollistin, me Manchester United që u shfaq fillimisht favorit, por destinacioni duket se do të jetë diku tjetër.
Kampionët aktual të Serie A, kanë hyrë fuqishëm në garën për yllin nga Mallorca.
Skuadra e Pioli prej kohësh e ka pasur në listën e dëshirave sulmuesin edhe pse së fundmi u duk sikur hoqi dorë prej tij.
Duke parë që tanimë Real Madridi është i vendosur për ta larguar nga skuadra, “kuqezinjtë” janë hedhur në sulm, duke se ditur se e ardhmja e Brahim Diaz nuk është e sigurtë.
Shifra magjike për të kompletuar largimin e Asensios nga Reali do të ishte 30 milionë euro. Ai që shikohej se pasardhësi i Ronaldos, nuk pati përformancën që pritej, e tani do duhet të dalë nga dera e pasme./FolDrejt/
