Kanë kaluar më shumë se një javë që kur në Ohër u miratua aneksi zbatues i marrëveshjes, i cili u krijua në bazë të propozimit të Bashkimit Evropian. Qytetarët serbë nga pjesa veriore e Mitrovicës, nuk janë aq optimistë për zhvillimet e ardhshme që do të derivojnë nga procesi i dialogut, shkruajnë mediat serbe, transmeton Fol Drejt.
Ka nga ata që nuk mendojnë se marrëveshja do t’ju sjell ndonjë të mirë serbëve, përfshirë Asociacionin, disa nuk presin që së shpejti të ndodhin ndryshime të dukshme. E disa ndajnë pikëpamje “shumë të errëta” për statusin e ardhshëm të komunitetit serb në Kosovë.
“Së pari nuk është prezantuar se çfarë duhet bërë fillimisht, edhe pse opinioni serb mendon se fillimisht duhet të formohet Asociacioni i Komunave Serbe, edhe pse nuk jam i sigurt se si do të shkojë dhe sa do të zgjasë formimi i atij organi. Pra, me të vërtetë nuk e di se si do të dukej në praktikë”, ka thënë njëri prej tyre për portalin serb KoSSev.
“Asociacion ose vetëqeverisje për serbët, dhe pavarësi për shqiptarët dhe serbët e Kosovës” – ka thënë një tjetër qytetar, duke shtuar se serbët duhet ta kuptojnë që parulla “Kosova është zemra e Serbisë”, nuk aq thjesht e realizueshme.
Ai beson se në vetë marrëveshjen ka pika që mund të “fusin në stolin e tradhtisë edhe presidentin serb, edhe kryeministrin e Kosovës”.
“A mund të themi se njëri prej tyre është fitues apo humbës? – Jo! Do të dëshiroja që fituesit të jenë qytetarët e Kosovës, serbët dhe shqiptarët” – ka vijuar ai.
Disa janë deklaruar se Bashkimi Evropian duhet të bëjë më shumë presion mbi Prishtinën zyrtare, për formimin e Asociacionit.
“Nëse ata insistojnë që Asociacioni i Komunave Serbe të formohet sa më shpejt, dhe për rrjedhojë nuk bëhet një plan i duhur, nuk do të jetë mirë në praktikë”, tha ka thënë njëri prej tyre.
Njëri beson se, nëse formohet, Asociacioni nuk do të jetë në përputhje me marrëveshjen e Brukselit të vitit 2013 apo 2015, por një kombinim i të gjithave, së bashku me propozimet e 15 modeleve të krijimeve të ngjashme që i janë paraqitur kryeministrit të Kosovës nga Bashkimi Evropian.
Një tjetër bashkëbisedues është skeptik nëse dhe si do të realizohet e gjithë kjo.
“Ai nuk do të ketë kompetencat në masën që duhet të ketë. Do të jetë një shkronjë e vdekur në letër, si organizatat joqeveritare.”
Një tjetër qytetar është shprehur shumë skeptik mbi marrëveshjen, duke thënë se ëndrra e serbëve për të mbetur bashkë me Serbinë, po shuhet:
“Përderisa do të ketë mjete buxhetore dhe donacione ndërkombëtare, madje edhe nga shteti i Kosovës, mendoj se serbët do të jenë t’iu veshen obligime të reja, sepse nuk duhet harruar se në mendjet e shumicës së serbëve në Kosovë ka mbijetuar ëndrra që herët a vonë Kosova do të ishte disi pjesë e Serbisë. Tani ato po shuhen”, ka thënë ai.
Ai thotë se ka frikë për të ardhmen e qytetarëve që “nuk duan të jetojnë në një Kosovë të pavarur”.
“Kam frikë se ata serbë do të jenë sërish viktima dhe se të gjithë ata që kanë përfituar nga politika zyrtare e Beogradit – qoftë ajo e Koshtunicës, Tadiqit apo e këtij tani, grupi më i papërshtatshëm, i kriminalizuar që ka shpifur dhe gënjyer serbët për dhjetë vjet… Shihni sa flamuj keni, sikur serbët do të jetojnë përgjithmonë këtu, se me serbët këndojnë më së miri deliret. E gjitha ishte vetëm një sinjal, e gjitha ishte vetëm një lloj shenje, të paktën për ata që kanë ndjekur gjithçka që ndodhi në Kosovë për 10 vjet – se ata thjesht u këndojnë iluzioneve më të bukura, dhe tradhtia do të bërtasë, por kështu është”, ka thënë ai. (Marr me shkurtesa nga Danas)/FolDrejt/
