E njohur si një ndër shtetet më të fuqishme sindikaliste në botë, në Francë edhe njëherë kanë shpërthyer protesta të shumta anti-qeveritare, që lidhen kryesisht me ligjin e sigurisë së policisë, informon foldrejt.com.
Edhepse u mundua të mbahet e fshehtë nga “liria e medias”, duket që vendosmëria e protestuesve ka shtyrë që tashmë të gjithë të raportojnë për atë që po ndodh në Francë. Media gjermane SPIEGEL, flet për qindra-mijëra protestues në Francë, kurse vetëm në Paris kanë dalë 46 mijë protestues. Sipas organizatorëve të “Marshit të Lirisë”, vetëm në Paris kanë dalë 200 mijë protestues.
Të gjithë janë irrituar nga ligji për mbrojtjen e policëve, të miratuar nga qeveria franceze, ku në rast se ndokush fotografon policët gjatë orarit të punës, mund të dënohet deri në 45 mijë euro ose një vit burg. Kjo ka shtyrë francezët të dyshojnë se policët mund të jenë të lirshëm për të kryer dhunë ndaj protestuesve në të ardhmen, ku vetëm gjatë protestave të Jelek-Verdhëve mbetën të vrarë mbi dhjetë protestues.
Deri tani janë plagosur 37 policë, kurse vetëm në Paris janë arrestuar 46 persona.
Organizatorët e protestave të “Marshit të Lirisë”, janë shprehur se kundërshtojnë dhunën ndaj forcave të policisë dhe kërkojnë vetëpërmbajtje nga mbështetësit. Poashtu ata flasin se në gjithë Francën kanë dalë gjysmë milion persona në protestë.
Këto protesta të mëdha vijnë vetëm pak javë pasi Franca përgatit “ligjin kundër islamistëve”, me pretekstin se do ndalojë radikalizmin fetar në vend. Ndoshta këto protesta do ndryshojnë kahjen e qeverisë franceze, për të vonuar miratimin e këtij ligji./Foldrejt.com
