Dijetarët e Lindjes kanë lënë pas shumë mësime. Në këtë artikull do të ndajmë me ju disa mësime nga bota lindore.
Mos i ndaj me të tjerët kufijtë e trupit tënd.
Ndjen dhimbje, lodhje apo vështirësi për të realizuar ndonjë aktivitet? Nëse mundesh, mos i ndaj këto shqetësime me të tjerët. Trupi është diçka shumë personale dhe duhet të mësosh të jesh i/e fortë dhe të jetosh pa ankesa.
Mos u mburr me veprimet e tua të bamirësisë.
Nëse e ndihmon dikë, bëje sepse do ta bësh, jo sepse dëshiron të mburresh. Egoja mund të nxisë drejt mburrjes, por kjo gjë të bën thjesht të dukesh ekstremisht arrogant. Ndaj shmangia vetes tënde këtë cilësi.
Mos e zbulo asnjëherë çfarë po planifikon për të ardhmen.
Duke e treguar se çfarë ke në plan të bësh në të ardhmen, mundet të përfundosh duke u ndjerë keq. Njerëzit mund të tregohen negativë dhe të demoralizojnë.
Mbaji planet e tua sekrete. Kur gjithçka të përfundojë mirë, festo me personat që do.
Shmangi mburrjet për guximin apo vlerat e tua.
Kur dikush është për t’u adhuruar, njerëzit e njohin lehtësisht. Nuk është e nevojshme të mburresh. Ajo që do të përfitosh duke e mburrur veten, nuk është kurrsesi pozitive.
Mos i trego gjithë problemet që ke në jetën tënde.
Ka nga ata persona që e tregojnë çdo gjë që po kalojnë, madje e publikojnë edhe në rrjetet sociale. Kujtohu gjithmonë se disa gjëra duhet t’i mbash për vete. Kur flasim shumë, rrezikojmë të tregojmë sekrete të jetës sonë që nuk do të donim t’i dinin të tjerët.
Mos e kalo kohën tënde duke folur keq për të tjerët.
Kur flasim keq për të tjerët, ne realisht flasim më tepër për veten tonë, se sa për personin që mbajmë në gojë. Ambienti përreth nesh bëhet më i rëndë dhe mendja jonë mbushet me mendime negative. Ndaj është e mira të mos e kalojmë kohën tonë duke folur keq për të tjerët.
