Pak ditë para përplasjes kokë më kokë mes PSG dhe Lens që mund të vendosë titullin kampion, sulmuesi i Parisit, Kylian Mbappe ka marrë një kërcënim aspak naiv nga një futbollist kundërshtar, raporton Klix, përcjell Fol Drejt.
Parisienët kanë një avantazh prej 6 pikësh ndaj Lens, dhe ndeshja tashmë ka marrë një tension të caktuar pasi mbrojtësi argjentinas i Lens, Medina praktikisht kërcënoi Mbappen.
“Është më e vështirë për mua të shënoj Leo Messi sepse kam frikë se mos e lëndoj. Nëse ai më kalon dhe ikë, unë e kap dhe e ndaloj”, tha Medina ndërsa ishte i ftuar drejtpërdrejt në emisionin Twitch.
I pyetur se çfarë do të ndodhë nëse Mbappé e kapërcen dhe ikën, argjentinasi tha:
“Epo, ambulanca do të duhet të vijë për të,” tha Medina në një përpjekje për të frikësuar yllin e PSG.
Përgjigja e Mbappes pritet në fushë dhe nuk ka dyshim se pas kësaj do të jetë shumë i motivuar. /FolDrejt/
