Kylian Mbappe do të luajë për Paris Saint-Germain këtë sezon, thotë presidenti i klubit Nasser Al-Khelaifi dhe pritet të vazhdojë kontratën e tij deri në vitin 2025, raporton 90min.
Francezi u stërvit me ekipin e parë të dielën pasi tregoi se është i përkushtuar ndaj klubit dhe institucionit.
Al-Khelaifi u tha lojtarëve të PSG-së të dielën në mëngjes: “Kylian është i përkushtuar ndaj PSG-së. Kylian është kthyer”
PSG më vonë tha në një postim në mediat sociale: “Pas diskutimeve shumë konstruktive dhe pozitive midis Paris Saint-Germain dhe Kylian Mbappe para ndeshjes PSG – Lorient, lojtari është rikthyer në skuadrën stërvitore të ekipit të parë këtë mëngjes”.
Kjo vjen pasi Mbappe i kishte thënë më parë PSG-së se nuk do të largohej nga klubi në asnjë rrethanë gjatë kësaj dritareje dhe ishte i përgatitur të qëndrojë jashtë gjatë gjithë sezonit.
