Në Shqipëri tani kanë mbërritur edhe 9,360 doza të tjera të vaksinës Pfizer.
Mbrëmjen e sotme mbërritën 9,360 doza të vaksinës Pfizer. Ministrja e Shëndetësisë, Ogerta Manastirliu dhe ministri Arben Ahmetaj i pritën në Aeroportin e Rinasit.
“9360 doza të cilat vijnë nga kontrata me Pfizer dhe do të mbyllim vaksinimet me stafin mjekësor dhe të moshuarit në shtëpitë e të moshuarve”, tha ministrja.
“Janë plot 450 mijë vaksina dhe do të vazhdojnë në muajin prill maj qershor”, tha Ahmetaj.
Lajmin poashtu e ka konfirmuar edhe Kryeministri i Shqipërisë, Edi Rama.
“9360 dozat kanë mbërritur në aeroportin ‘Nënë Tereza’ në Tiranë”, ka shkruar Rama.
