Britania e Madhe ende mbështet një marrëveshje ndërkombëtare që do t’i siguronte Ukrainës tanke të prodhimit gjerman, tha ministri i Jashtëm këtë mëngjes, shkruan Sky News, transmeton Fol Drejt.
Aleatët perëndimorë premtuan miliarda dollarë armë për Ukrainën javën e kaluar, megjithëse nuk arritën të bindin Gjermaninë të heqë veton për sigurimin e tankeve të betejës Leopard, të cilat mbahen nga një sërë vendesh të NATO-s, por furnizimi i të cilave në Ukrainë do të kërkonte miratimin e Berlinit.
“Sigurisht, unë do të doja të shihja ukrainasit të pajisur me gjëra si Leopard 2 si dhe sistemet e artilerisë që janë siguruar nga ne dhe nga të tjerët,” tha Cleverly në një intervistë me Sky News këtë mëngjes.
“Unë do të vazhdoj të bëj ato biseda me aleatët dhe miqtë tanë të NATO-s, për të lehtësuar dhurimin e pajisjeve më të mira ushtarake në Ukrainë për t’i ndihmuar ata të mbrohen kundër këtij pushtimi brutal.”
I pyetur nëse Gjermania po bënte mjaftueshëm për të ndihmuar Ukrainën, Cleverly tha se donte të shihte “të gjithë të shkojnë aq larg sa të munden, por secili vend do ta mbështesë Ukrainën në një mënyrë që është më e të përshtatshme për ta”.
Sekretari i Mbrojtjes i SHBA, Lloyd Austin u kërkoi aleatëve në një takim të premten që të bëjnë më shumë për të mbështetur Ukrainën. Por asnjë vendim për furnizimin e Leopardëve nuk u mor, thanë zyrtarët, megjithëse u dhanë zotime për sasi të mëdha armësh të tjera.
Partia Social Demokrate e kancelarit gjerman Olaf Scholz është tradicionalisht skeptike ndaj përfshirjeve ushtarake dhe e kujdesshme për përshkallëzimin e mëtejshëm në konfliktin në Ukrainë./FolDrejt/
