Qeveria e Mbretërisë së Bashkuar njoftoi më 20 korrik një valë të re sanksionesh kundër 13 individëve dhe bizneseve të lidhura me aktivitetet e Grupit Wagner në Mali, Republikën Qendrore Afrikane (CAR) dhe Sudan.
Një nga personat që ka vënë në shënjestër Britania e Madhe është Ivan Maslov, kreu i Grupit Wagner në Mali, për rolin e tij në masakrën e më shumë se 500 njerëzve në Moura në mars 2022.
Qeveria amerikane sanksionoi Maslovin në maj 2023, e ndjekur nga sanksionimi i katër kompanive të lidhura me grupin në qershor.
“Kudo që Wagner operon, ai ka një efekt katastrofik mbi komunitetet, përkeqëson konfliktet ekzistuese dhe dëmton reputacionin e vendeve që i presin ato,” tha Andrew Mitchell, Ministri i Shtetit për Zhvillimin dhe Afrikën në Mbretërinë e Bashkuar.
Mbretëria e Bashkuar njoftoi gjithashtu sanksione kundër dy udhëheqësve të Wagner që veprojnë në Republikën e Afrikës Qendrore, Vitalii Perfilev dhe Konstantin Pikalov, për shënjestrimin e qëllimshëm të civilëve. Mbretëria e Bashkuar beson se Pikalov është një këshilltar i ngushtë i Yevgeny Prigozhin, lideri i Wagner.
Prigozhin dhe disa komandantë kryesorë ishin sanksionuar tashmë nga MB për pjesëmarrjen e tyre në pushtimin rus të Ukrainës./FolDrejt/
