Mbretëria Suedeze mbështet Kosovën me 14 milionë euro në fushat e sundimit të ligjit, liritë dhe të drejtat e njeriut, demokracinë dhe barazinë gjinore

“Mbretëria Suedeze mbështet Republikën e Kosovës financiarisht me plotë 14 milion euro

Zëvendësministri i Drejtësisë, Blerim Sallahu përmbylli vizitat e tij me viziten e fundit që i bëri Njësisë Ndërkombëtare të Shërbimit Korrektues dhe Sprovues të Mbretërisë Suedeze.”, shkruan në komunikatën e Ministrisë së Drejtësisë.

Në këtë takim, shefi i Njësisë Ndërkombëtare të Shërbimit Korrektues dhe Sporvues, Martin Gilla, së bashku me eksperten Eva Parry, analistin Sarand Ahsani dhe zyrtarin nga administrata Mattias Andersen, shpalosën kornizën e Marrëveshjes Bilaterale Ndërkombëtare, në të cilen Mbretëria Suedeze i ka alokuar 14 milionë euro për Republikën e Kosovës lidhur me sundimin e ligjit, liritë dhe të drejtat e njeriut, demokracinë, barazinë gjinore si dhe avacimin e metodave të punës në dikastere të ndryshme qeveritare.

“Përfaqësuesit e Njësisë Ndërkombëtare të Shërbimit Korrektues dhe Sprovues të Mbreterisë Suedeze kërkuan nga zëvendësministri Sallahu që brenda një afati të caktuar t’i dërgojnë të gjitha prioritetet dhe nevojat konkrete të cilat do të mbeshteten financiarisht me lidhjen e Marrëveshjes Bilaterale Ndërkombëtare.”, thuhet në njoftim.

Zëvendësministri Sallahu, ka falënderuar dhe shprehur konsideratën e lartë për autoritetet përkatëse të Mbretërisë Suedeze për shpalosjen e Marrëveshjes kornizë, që në fokus ka mbështjeten e madhe financiare në fusha konkrete të përcaktuar nga institucionet e Kosovës, në bashkëpunim me autoritetet suedeze.

Gjithashtu zëvendësministri Sallahu ka shprehur gatishmërinë e tij, që brenda afatit përkatës t’i dërgojë prioritetet dhe nevojat e Ministrisë së Drejtësisë tek autoritetet suedeze në menyrë që këto çështje t’i nënshtrohen negociimit për lidhjen e Marrëveshjes Bilaterale Ndërkombëtare ndërmjet dy shteteve. /FolDrejt/