Përparimi i Kosovës në aspektin e luftës kundër korrupsionit, është bërë shkas që Ministrja e Drejtësisë Albulena Haxhiu, “të lavdërohet” nëpërmjet rrjeteve sociale.
Në fakt, ministrja ka premtuar punë më të madhe, duke thënë se synimi i Republikës së Kosovës është të ngjitet më lartë.
“ Sot, Transparency International ka njohur progresin në luftën kundër korrupsionit duke renditur Republikën e Kosovës në vendin e 87-të nga 180 vende. Në vitin 2020 ishim në vendin e 104, kurse sot jemi 17 vende më poshtë” – ka shkruar ajo.
Ky është postimi i plotë:
Lufta kundër korrupsionit po vlerësohet ndërkombëtarisht.
Sot, Transparency International ka njohur progresin në luftën kundër korrupsionit duke renditur Republikën e Kosovës në vendin e 87-të nga 180 vende. Në vitin 2020 ishim në vendin e 104, kurse sot jemi 17 vende më poshtë!
Kosova ka marr 39 pikë nga 100 të mundshme, por ky është vetëm fillimi. Synimi ynë është që brenda këtij mandati, Kosova të arrijë mesataren globale e ti aftohet mesatares evropiane.
Përkushtimi ynë në luftën kundër korrupsionit, përveç kompletimit të pakos ligjore Anti-korrupsion, përkthehet gjithashtu përmes realizimit të Strategjisë për Sundimin e Ligjit, Vettingut në drejtësi, jetësimit të Byrosë Shtetërore për verifikimin e pasurisë së pajustifikueshme por edhe me mbështetjen buxhetore për sistemin e drejtësisë.
Kosova ka shumë sfida, por edhe ne kemi vullnet të madh dhe nuk ndalemi deri në jetësimin e zotimeve tona.
