Origin Energy ka njoftuar se termocentrali Eraring me një kapacitet total prej 2.8 gigavat në zonën e liqenit Macquarie, do të mbyllet në vitin 2025 për shkak të “fluksit të burimeve të rinovueshme të energjisë”.
Termocentrali më i madh i Australisë me qymyr do të mbyllet 7 vjet më herët se sa ishte planifikuar, pasi është bërë më pak fitimprurës në krahasim me termocentralet të cilat shfrytëzojnë energji me erë dhe diell, shkruan AA.
Origin Energy ka njoftuar se termocentrali Eraring me një kapacitet total prej 2.8 gigavat në zonën e liqenit Macquarie, do të mbyllet në vitin 2025 për shkak të “fluksit të burimeve të rinovueshme të energjisë”.
Ekonomia e termocentraleve me qymyr po vihet nën presion në rritje dhe të paqëndrueshme për shkak të prodhimit më të pastër dhe më të lirë, transmeton Fol Drejt.
Vendimi erdhi shtatë ditë pasi AGL Energy njoftoi mbylljen e hershme të dy prej termocentraleve të saj me qymyr.
Vitin e kaluar, EnergyAustralia, e treta nga tre kompanitë kryesore të energjisë, njoftoi se do të mbyllte një termocentral me qymyr në Victoria 5 vjet më herët se sa ishte planifikuar fillimisht.
Sipas Bankës Botërore, Australia është një nga vendet me emetimet më të larta të karbonit për kokë banori, sepse ajo mbështetet në energjinë e qymyrit për të prodhuar pothuajse 60 për qind të energjisë elektrike të saj./FolDrejt/