Arabia Saudite tha të shtunën se ka pritur më shumë se një milion haxhinj deri më tani për pelegrinazhin e këtij viti të Haxhit, raporton AA, përcjell Fol Drejt.
“Rreth 1,150,000 pelegrinët kanë mbërritur tashmë në Arabinë Saudite për Haxh”, tha Mohammed al-Bijawi, nënsekretar i Ministrisë së Haxhit dhe Umres për kanalin televiziv shtetëror Al-Ekhbariya.
“Fluksi i pelegrinëve vazhdon të rritet mes përgatitjeve të vazhdueshme”, shtoi ai.
Mbretëria e pasur me naftë pret të presë më shumë se dy milionë pelegrinë muslimanë për haxhin e këtij viti.
Arabia Saudite mbajti Haxhin e zvogëluar në tre vitet e fundit për shkak të kufizimeve të vendosura për të frenuar shpërthimin e COVID-19.
Sipas shifrave zyrtare, në vitin 2022, mbi 899,999 haxhinj myslimanë vizituan Arabinë Saudite për të kryer pelegrinazhin e Haxhit.
Në vitin 2021, mbretëria mirëpriti deri në 60,000 pelegrinë nga brenda Arabisë Saudite mes kufizimeve të COVID-19, ndërsa vetëm 10,000 e kryen ritualin në vitin 2020.
Haxhi, pelegrinazhi në vendin më të shenjtë të Islamit, Qabenë në Mekë, është një nga pesë shtyllat e Islamit. Muslimanëve u kërkohet ta kryejnë atë të paktën një herë në jetën e tyre nëse kanë mjetet për ta bërë këtë. /FolDrejt/
